Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte «Qazaqstan Ipotekalyq kompanıasy» AQ basqarýshy dırektory Syzdyqov Erkin Satybaldyuly aıtty.
Onyń aıtýynsha, «Nurly jer» baǵdarlamasynyń («Qoljetimdi baspana - 2020», Óńirlerdi damytýdyń 2020 jylǵa deıingi baǵdarlamasy jáne «Nurly jol» memlekettik ınfraqurylymdyq damytý baǵdarlamasy – «Nurly jer» baǵdarlamasyna biriktirildi) negizgi operatorlarynyń biri retinde, Qazaqstan Ipotekalyq Kompanıasy, Qurylysshylar kúniniń qarsańynda satyp alý múmkindigimen jalǵa beriletin turǵyn úıdiń 1 mıllıonnan astam sharshy metrin paıdalanýǵa berdi (jospar boıynsha 2018 jyldyń sońyna deıin 972 myń sh.m.). 10 tamyzda paıdalanýǵa engizý boıynsha aktige qol qoıyldy.
Eger páterlik balamada aıtatyn bolsaq – bul 4 jyldyń ishinde 17 694 páter.
Satyp alý quqyǵymen jalǵa beriletin turǵyn úıdi bólýdi iske asyrý kompanıanyń áleýmettik mańyzy bar baǵyttarynyń biregeıi bolyp tabylady, óıtkeni turǵyn úıdi basqa ádistermen, sonyń ishinde ıpoteka arqyly satyp alýǵa tabysy jetkiliksiz azamattarǵa (jergilikti atqarýshy organdarda kezekte turǵan adamdarǵa) turǵyn úı satyp alý múmkindigin usynady. Baǵdarlama halyqtyń áleýmettik osal toptaryn, kóp balaly jáne tolyq emes otbasylardy, múgedek balalary bar nemese olardy tárbıeleýshi otbasylardy, jetim balalar men ata-anasynyń qamqorlyǵynsyz qalǵan balalardy, oralmandardy, 1-shi jáne 2-shi toptaǵy múgedekterdi, sondaı-aq memlekettik qyzmetkerlerdi, áskerı qyzmetkerlerdi, arnaıy memlekettik organdardyń qyzmetkerlerin, búdjettik uıymdardyń jumyskerlerin qoldaý úshin ázirlendi.
Baǵytty iske asyrý úshin Kompanıany 163,3 mlrd. teńge kóleminde jalpy qarjylandyrý kózdeldi, sonyń ishinde QR Ulttyq qorynan jeńildikti nesıe alý (2015-2016 jyldary 115 mlrd. teńge somasynda), respýblıkalyq búdjetten qarjylandyrý (2016 jyly 19,1 mlrd. teńge kóleminde), sondaı-aq Kompanıanyń jarǵylyq kapıtalyn 29,2 mlrd. teńgege arttyrý esebinen.
Kompanıa jalǵa beriletin turǵyn úıdi salý, satyp alý jáne bólý boıynsha belsendi qyzmetin 2015 jyly bastady jáne Baǵdarlamaǵa sáıkes 2018 jyly aıaqtaıdy.
«Satyp alý quqyǵymen jalǵa berý» baǵyty jumys istegen kezeńde jalǵa beriletin turǵyn úı qurylysy Qazaqstannyń 20 qalasynda júzege asyryldy – Astana, Almaty, Pavlodar, Qyzylorda, Aqtaý, Óskemen, Rýdnyı, Petropavlovsk, Qaraǵandy, Qostanaı, Kókshetaý, Semeı, Taraz, Taldyqorǵan, Shymkent, Oral, Atyraý, Aqtóbe, Túrkistan, Hromtaý.
Jyl sońyna deıin Qostanaı, Qaraǵandy, Óskemen, Oral qalalarynda 41 myńnan astam sharshy metr paıdalanýǵa beriletin bolady (703 páter).
Atletıkalyq aýyl bizdiń erekshe maqtanyshymyz bolyp tabylady, bul turǵyn úı kesheni Almatyda 2017 jylǵy Qystyq Ýnıversıada qarsańynda boı kóterdi, keıinnen kezekte turǵan adamdar arasynda bólý úshin ýákiletti uıymdarǵa tapsyryldy. Kezekte turǵan kem degende 2000 adam «Satyp alý múmkindigimin jalǵa berý» baǵdarlamasy boıynsha Atletıkalyq aýylǵa qonystandy. Almatydaǵy «Jas Qanat» turǵyn úı kesheni de taǵy bir iri obektimiz bolyp tabylady. Ol jerde 1780 otbasy qonys toıyn toılamaq.
Barlyq obektilerdiń qurylysy «Báıterek» UBH-nyń enshiles bólimshesi – «Báıterek deveploment» AQ-nyń qatysýymen júrgizildi. Biz qazaqstandyq qurylys jáne árleý materıaldaryn óndirýshilermen jumys istedik, ınjenerlik jáne tehnıkalyq jumystardy da jergilikti merdigerler oryndady. Lıftiler, sorǵy stansıasy jáne t.b. ınjenerlik jabdyqtar ǵana syrttan satyp alyndy.
Qurylys sapasy barlyq kezeńderde úsh deńgeılik baqylaýdan ótedi: qurylys salýshynyń óz tehqadaǵalaýy, QIK tarapynan táýelsiz tehnıkalyq qadaǵalaý jáne MSQB. Barlyq páterler kezekte turǵan adamdarǵa árlengen jáne qonystandyrýǵa daıyn kúıinde tapsyrylady. Páterler sanıtarlyq toraptarmen tolyq jabdyqtalǵan, elektr/gaz plıtalary ornatylǵan.
El aýqymyndaǵy qurylys baǵdarlamasy – bul salany, jergilikti jáne mýnısıpaldyq ınfraqurylymdy damytýdyń kúshti draıveri bolyp tabylady. Onymen qosa, bul senimdi turaqtandyrýshy áleýmettik faktor, azamattardyń áleýmettik osal toptarynyń turǵyn úı jaǵdaılaryn jaqsartýmen qatar, Baǵdarlama aıasynda el boıynsha 4 myń jańa jumys orny quryldy.
Búginde «Satyp alý quqyǵymen jalǵa berý» baǵyty boıynsha salynǵan jáne satyp alynǵan páterlerde 17 myńnan astam otbasy nemese 50 myńnan astam adam turyp jatyr-dep sózin aıaqtady E.Syzdyqov.
